Sofá
Marta Alonso Tejada Cía.
Sofá é unha sitcom de danza con teatro, circo e música en directo.
Marta e Pablo coñecéronse bailando e xa non teñen tempo para facelo porque traballan moito. Son dous fervellos e a parella que menos usa o sofá. Non son capaces de parar. Cren que van solucionar os seus problemas de desconexión facendo un espectáculo no que bailen cun sofá. Porque o sofá é o lugar onde se atopan as parellas ao final do día para estar xuntas ou descansar. Pero non logran comezar o espectáculo. Calquera interrupción é un bo motivo para seguir nun bucle cara a adiante. Porque parar supón enfrontarse a unha mesma e abrazar a incerteza, o baleiro. Parar para empezar o espectáculo, acabar para comezar.
Espectáculo subvencionado pola Axencia Galega das Industrias Culturais
Coproduce Mostra Internacional de Teatro de Ribadavia. Colaboran o Concello de Outes e o Concello de Rianxo. Co apoio de Danza Alfaia, Galicia Danza Contemporánea e Determinada Co.
- Adulto
- Danza, comedia, teatro, circo
- 70 minutos
-
Creación e interpretación
Marta Alonso
Pablo Reboleiro - Dirección Marcos PTT
-
Movemento e coreografía
Cía. Sharon Fridman
(Melania Olcina Yuguero e Arthur Bernard Bazin)
-
Dramaturxia e guión
Marta Alonso
Daniel D. García
Marcos Petete
Pablo Reboleiro Rama
Déborah Vukušić - Coordinación de guión Daniel D. García
-
Espazo sonoro
Mounqup
Pablo Reboleiro
-
Realización de escenografía
Jose Perozo
Sandra Camalea - Estilismo Paula Quintas
- Iluminación Ángel Sousa
- Attrezzo Carlota Mosquera
-
Audiovisuais
Sabela Eiriz
Carlota Mosquera
A compañía
A danza, o humor, a mestura de linguaxes escénicas que se achegan ao teatro e ao circo, a interacción co público e a proximidade xeran nas súas creacións unha atmosfera particular do cotián, do natural e do común, que se comparte na escena.
Marta Alonso Tejada estrea a peza Bailar agora en 2020. Este traballo recibe o premio a mellor espectáculo de Las Noches del CCAI, FETEN 2022; premios María Casares a mellor actriz principal, a mellor iluminación e mellor dirección en 2021; MIT Ribadavia 2021; 3.º premio do público a mellor espectáculo Fetega 2021.
Sofá (2023), Dancin´Queen (2021) e Discoteca de señoras (2021) son outros traballos da compañía.