Os contos do Lobicán
Redrum Teatro
Premio ao mellor espectáculo de monicreques nos XXIX Premios de Teatro María Casares e gañador do XV Premio Barriga Verde de textos para teatro de monicreques 2022, Os contos do Lobicán é un espectáculo de monicreques musical, en verso, áxil e atrevido, destinado a nenos e nenas de entre 3 e 8 anos, que busca darlle a volta aos contos clásicos, ao tempo que transmite unha mensaxe educativa e valores universais como a amizade, a cooperación, o respecto pola natureza, o pensamento crítico e a importancia da imaxinación.
Espectáculo subvencionado pola Axencia Galega das Industrias Culturais
- Infantil
- Monicreques
- 40 minutos
- Autoría Eva Mejuto
- Dirección Álex Sampayo
-
Elenco
Victoria Pérez
Guillermo Carbajo - Escenografía As Dúas e Punto
- Iluminación Carlos Álvarez-Ossorio
- Música Davide González
- Ilustración Nuria Díaz
A compañía
Redrum Teatro somos unha empresa cultural dedicada á produción e distribución de espectáculos teatrais constituída no ano 2009. Desde a nosa fundación, apostamos pola creación de espectáculos de diferentes formatos, sempre cun coidado valor estético e artístico como selo persoal da compañía e cunha clara vontade de fomentar o entretemento e a cultura en galego.