Trïade
Colectivo Glovo
Trïade ten como punto de partida esa necesidade de xuntarse, vincularse e bailar, desde o coidado e a escoita, nun espazo feminino que procure unha xenealoxía feminina, unha orde simbólica persoal e independente, inspirado pola tríade lunar e a súa idea do eterno retorno: vida, morte e renacemento. Peza de curto formato para espazo non convencional con marcado carácter ritualesco e de culto ás devanceiras e ás raíces.
Co apoio de INAEM-Ministerio de Cultura-Gobierno de España, Danza a Escena, A Casa Vella de Allariz, L'Estruch-Fàbrica de creació de les arts en viu de Sabadell, residencias artísticas Dantzalabea do Teatro Barakaldo e Bienal de Arte Contemporânea de Trás-os-Montes, Macedo de Cavaleiros
- Todos os públicos
- Danza
- 14 minutos
-
Dirección
Esther Latorre
Hugo Pereira - Coreografía Esther Latorre
-
Elenco
Esther Latorre
Sybila Gutiérrez
Paula Serrano
- Vestiario Adolfo Domínguez
-
Música
Baiuca
Mercedes Peón
A compañía
Somos Colectivo Glovo, unha compañía de danza galego-portuguesa con sede en Galicia, codirixida por Hugo Pereira e Esther Latorre. Desde a súa fundación, Colectivo Glovo percorreu diferentes países como España, Portugal, Italia, México, Costa Rica, Corea do Sur, entre outros. As súas pezas foron recoñecidas con diversos premios e mencións en festivais por toda Europa. Hugo e Esther exercen como bailaríns, directores e coreógrafos da compañía, acumulando ao longo da súa traxectoria importantes recoñecementos, bolsas e distincións. Son, ademais, os creadores e responsables do programa de residencias artísticas Atopémonos Bailando, que se desenvolve na cidade de Lugo.